VOV4.M’nông – Ta rơh mâp đah Kruanh Đại Hội đồng Liên hợp quốc Abdulla Shahid, geh ntŭk kan ta New York, Hoa Kỳ, Thủ tướng Phạm Minh Chính uănh lah prêh ăp nău kơl bah Đại Hội đồng Liên hợp quốc khóa 76 tâm nău kan hun hao nâp nâl, rdâk hao tay jêh srê, rdâng đah rgâl trôk nar, nkra rgâl tay Liên hợp quốc.

Thủ tướng Chính phủ Phạm Minh Chính mâp Kruanh Đại hội đồng Liên hợp quốc

Thủ tướng Phạm Minh Chính lah rjăp lah du dak mper dak lêng, Việt Nam uănh khlay n’hao rnă njrăng dak lêng, tâm n geh mât ndrăy, dŏng dak lêng, joi ăp ndoh ndơ tâm dak lêng nâp nâl, đăp mpăn ntŭk gŭ rêh, đăp mpăn n’hanh n’hao tĭng jăp luật pháp lam ntŭr neh, ngăn lah Công ước Luật dak lêng 1982 (UNCLOS); nău ŭch Kruanh Đại hội đồng uănh mĭn, ntrôl nău aơ du trong tâm di yor aơ lah nău uănh nsum, tâm di bah âk dak tâm Liên hợp quốc. Tâm nchră mpeh nău lam ntŭr neh n’hanh nkual ndrel uănh, 2 ding lah rjăp nău ŭch n’hao chủ nghĩa ăp ding n’hanh lam ntŭr neh gay rdâng geh săk rnglăy đah ăp ntŭl rlong lam ntŭr neh, lơn lah chôt srê n’hanh rgâl trôk nar.

Nuĭh rblang: Y Sưng Phê Ja