VOV4.M'nông: Ôi 7/3 Thủ tướng Chính phủ Phạm Minh Chính mâp măt kruanh rđău kan, nuĭh mât bôk kan, nuĭh gĭt blău n'hanh văn nghệ sỹ ntoh lư Nkhêp geh nar bu ur lam ntŭr neh 08/3. Ta rơh mâp măt, Thủ tướng Chính phủ Phạm Minh Chính ntơh măt kruanh rđău kan Đảng n'hanh Ngih dak njuăl nău rhơn dŭt uĕh lăng tât kruanh rđău kan, nuĭh mât bôk kan, nuĭh gĭt blău n'hanh văn nghệ sỹ ntoh lư, bu ur lam dak Nkhêp nkah ndray Nar bu ur lam ntŭr neh 08/3. Thủ tướng njuăl nău nkah gĭt mha êng tât ăp bu ur bác sỹ, nuĭh kan dak si n'hanh ăp oh yuh bu ur ta bôk trong rdâng lơh nuh srê Covid - 19; ndrel âk oh yuh bu ur ta ăp ntil trong kan, kơt nti, pah kan êng êng. Thủ tướng lah rjăp, ân n'hao nău dơi săk tam kan bah ăp gưl hội liên hiệp bu ur tâm rơh aƀaơ, ntop kơl bu ur hun hao wăng sa, n'hao nău gĭt blău, râng nar lơn ma âk tâm ăp nău kan chính trị- rêh jêng kon nuĭh, an oh yuh rgop âk lơn đŏng, geh nău tam lơn đŏng tâm rơh rgâl mhe, lăp rgum n'hanh hun hao neh dak./.

Nuĭh rblang: Điểu Thân