VOV4.M’nông – Ta nar mâp măt rmôt chưng play bu ur ngih dak kêng măng 10/2, Thủ tướng Chính phủ Phạm Minh Chính lah rjăp: Đah âk nău dơi, nău nsrôih, nsrôih rlet rlău gay rơh bôk năp tâm bah ri a Rmôt chưng play bu ur ngih dak he dơi râng World Cup 2023, gâp mbra kuăl lah ăp “bu ur kim cương” n’hanh “nuĭh tiăr nti kim cương” bah thể thao Việt Nam. Thủ tướng Phạm Minh Chính lah rjăp, nău rmôt bu ur ngih dak dơi tât World Cup lah nău dơi têh ngăn bah ri aơ chưng play Việt Nam. Nău dơi aơ lah nău răm an lam dak tâm ăp nar bôk năm mhe.

Ăp nuĭh rmôt bu ur Việt Nam ndrel sŏk rup mât rƀăy

Thủ tướng mpŏng Rmôt mât nâp nău nsrôih têh gay dơi geh tâm rlong têh ngăn ta ăp giải tâm rlong bah năp, bah năp măt lah mât nău dơi “ngôi Hậu” ta SEA Games 31 tâm khay 5 tât. Ta nar mâp đŏng, ntoh măt Văn phòng Chính phủ an 4,5 rmen prăk (bah tơm prăk kon nuĭh rgop”; Ủy ban Olypic Việt Nam an 3,6 rmen prăk; Ngân hàng Đầu tư phát triển Việt Nam an 2 rmen prăk; Tập đoàn TH an 1,5 rmen prăk (geh dĭng lĕ 1 rmen prăk măt n’hanh ndơ) an Rmôt chưng play bu ur Ngih dak Việt Nam.

Nuĭh rblang: Y Sưng Phê Ja