Gŭ khâl tay dak Hà Lan, Thủ tướng Chính phủ Phạm Minh Chính hŏ mâp mpôl nuĭh Việt Nam ta Hà Lan. Mpôl nuĭh Việt Nam ta Hà Lan geh rlău 25 rbăn nuĭh dôl gŭ rêh, kơt nti, pah kan, lăp nsum uĕh, geh nău rêh đăp mpăn n'hanh dơi n'gâng kan ta ntŭk rnê uĕh. Thủ tướng rnê âk nău dơi bah mpôl nuĭh Việt Nam ta Hà Lan- du mpôl nuĭh têh ta Châu Âu.

Kônh wa tâm rnglăp, dơn ngoăy tâm nsum mpôl; jêng ntung njŏ khlay, kơl nkoch n'hơ n'hanh ndơ̆ ndơ Việt Nam lăp tăch tâm Hà Lan n'hanh ăp dak châu Âu êng ƀa ƀă. Rhơn yor kônh wa hŏ njêng Mpôl nuĭh Việt ta Hà Lan, Thủ tướng ŭch rŏng njêng tay ăp mpôl, kơt mpôl doanh nhân, khoa học, gŭ mĭn...tâm nsum mpôl nuĭh Việt Nam ta Hà Lan. Nkoch đah kônh wa mpeh rnôk mât njrăng, rdâk njêng, hun hao neh dak, Thủ tướng an gĭt, aƀaơ rĭng geh tĭng bôk nuĭh bah Việt Nam hŏ bơi tât 4.000 đôlar n'hanh GDP lam dak geh 400 rmen đôlar. Neh dak he mô hŏ tă geh âk, suan dăng, ntŭk gŭ prêh n'hanh nău nsing nơm dak bah dih kơt aƀaơ.

VOV/Nuĭh rblang: Điểu Thân