Nkhêp di râng Rƀŭn wăng sa lam ntŭr neh (WEF) ta Tian Jin (Thiên Tân), Trung Quốc, nar 27/6, Thủ tướng Chính phủ Phạm Minh Chính lĕ geh rơh mâp ăp ding đah Thủ tướng Barbados Mia Mottley n’hanh Thủ tướng New Zealand Chris Hipkins. Ta rơh mâp đah Thủ tướng Barbados Mottley, 2 ding tâm ban ŭch an ntrôl ăp nău ƀư tâm rgâl n’hao tâm wât ndrel. Thủ tướng lah rjăp Barbados lah dak geh nău khlay tâm nkual Caribe, mpŏng tă bah Barbados, Việt Nam mbra n’hao tâm boh lơn tay đah nkual. Thủ tướng Mia Mottley mĭn lah nchrăp ƀư nthoi an Việt Nam n’hao tâm boh đah ăp dak Caribe.

Thủ tướng Chính phủ Phạm Minh Chmâp Thủ tướng Bardos Mia Mottley

Ta rơh mâp ăp ding đah Thủ tướng New Zealand Chris Hipkins, Thủ tướng Phạm Minh Chính mĭn lah Việt Nam uănh khlay n’hanh mpŏng ntrôl tâm boh đah New Zealand. 2 Thủ tướng đă ăp n’gâng kan nău kan geh tât ntrôl dăng ăp nău ƀư ntrŭt ngăch, pơk mpông âk tay ntŭk tăch an ăp ndoh ndơ bah 2 ding, tâm nĕ geh ndơ lŏ mir n’hanh rƀŏng tât ndơ̆ geh prăk tăch rgâl 2 ding geh 2 rmen đôlar tâm năm 2024.

Thủ tướng Chính phủ Phạm Minh Chính mâp Thủ tướng New Zealand Chris Hipkins