Kêng măng 10/5, Thủ tướng Chính phủ Phạm Minh Chính hŏ mâp Tổng thống Philipines Fesdinand Romualdez Marcos di rnôk râng rƀŭn gưl prêh ASEAN tal 42 ta Nkuăl ƀon têh Labuan Bajo, Indonesia. Tâm rnôk mâp, Thủ tướng Phạm Minh Chính lah rjăp ŭch ƀư rjăp lơn tay nau tâm boh aơ, leo nsĭt nau săk geh văng sa ngăn ân ƀon lan, rgop ân nau đăp mpăn, nâp nâl tâm nkuăl.

Bar ding tâm ban nau ntrŭt dăng lơn tay nau tâm nchră gưl prêh ndrel ăp gưl, tâm nê tâm nchră ăp nau tă blau đah ăp Đảng mât nau kan, tâm n’ur ƀon lan. Bar rđau kan lah rjăp nsôih ơm leo nau văng sa bah bar ding geh 10 rmen đôla bah ăp nau kan njêng nau nơih tâm nau pơk mpông ân ăp ntil ndơ tăch luh tơm nsum. Thủ tướng Phạm Minh Chính lah rjăp Việt Nam mra pă phe ân ăp nau kan, jŏ jong, đăp mpăn đah rnoh tăch tâm di ân Philipines, bah nê rgop nau kơl an ân Philipnes đăp mpăn ndơ sa./.