VOV4.M'nông: Nkhêp geh Tết way ơm Bun Pi May bah Lào n'hanh Chôl Chnăm Thmay bah Campuchia, Thủ tướng Chính phủ Phạm Minh Chính hŏ kuăl điện mbah rhơn Thủ tướng Chính phủ dak Cộng hoà dân chủ Nhân dân Lào Phankham Viphavanh n'hanh Thủ tướng Vương quốc Campuchia Hun Sen.

Tâm rơh kuăl điện đah Thủ tướng Lào Phankham Viphavanh, Thủ tướng Phạm Minh Chính rhơn ăp nău dơi khlay Chính phủ n'hanh ƀon lan Lào oh nô hŏ dơi geh tâm rơh an ƀư Nghị quyết Đại hội tâl XI bah Đảng Ƀon lan cách mạng Lào n'hanh Trong nchrăp hun hao wăng sa- rêh jêng kon nuĭh 5 năm tâl IX; mpơl nuih n'hâm nsing nơm, ta nâm nău rđău kan kloh ang bah Đảng ƀon lan cách mạng Lào, ƀon lan Lào oh nô mbra geh ăp nău dơi têh kuâng lơn đŏng. Tâm rơh kuăl điện tâm nchră đah Thủ tướng Campuchia Hun Sen, Thủ tướng Phạm Minh Chính mpơl nău nsing nơm, ta nâm nău rđău kan bah Thủ tướng Hun Sen, Dak Campuchia mbra nar lơn ma hun hao geh ndrŏng, ƀư geh nău dơi tâm boh bah dih, tâm trôm tâm năm 2022, tâm nê geh rơh bầu cử Hội đồng xã/phường n'hanh dơn mât uĕh ƀư Kruanh ASEAN 2022.

Nuĭh rblang: Điểu Thân