VOV4.M'nông: Dơn nău jă bah Tổng thống Hoa Kỳ Joe Biden, ntơm bah nar 11-17/5, Thủ tướng Chính phủ Việt Nam Phạm Minh Chính mbra leo mpôl ntơh măt Việt Nam râng Tâm nchră gưl têh mha êng ASEAN-Hoa Kỳ, khâl n'hanh pah kan ta Hoa Kỳ n'hanh Liên Hợp Quốc. Aơ lah hăn pah kan dak bah dih lor bôk năp bah Thủ tướng Phạm Minh Chính tâm rnôk Việt Nam hŏ mât kân dơi nuh srê Covid-19 ta lam dak, nsing nơm plơ̆ pơk mpông tay, an ƀư bôk nău kan dâk hao tay ngăch n'hanh hun hao nâp dăng wăng sa- rêh kêng kon nuĭh, nsrôih lăp rgum dak bah dih lam lĕ rngôch, jru hvi, ngăn ngăn, geh nău tam. Hăn pah kan bah Thủ tướng Phạm Minh Chính tât Hoa Kỳ rơh dja dơi mpŏng n'hanh lah rnôk gay mât uĕh lơn đŏng nău dơi tâm boh wăng sa uĕh lăng đah bar dak./.  

Nuĭh rblang: Điểu Thân