Lơ 26/9, Thủ tướng Chính phủ Phạm Minh Chính pah kan đah Ban Thường vụ N’gor ủy Bình Dương. Thủ tướng uănh lah prêh, rnê nău nsrôih bah ăp đồng chí Kruanh, gưl ủy Đảng, n’gâng kan ƀon lan, tahen n’hanh nuĭh ƀon lan n’gor Bình Dương n’hanh ăp nău geh khlay lĕ dơi geh, rgop khlay an săk rnglăy nsum bah lam dak. Mpeh nău kan, trong mkra khlay, Thủ tướng đă Bình Dương an hun hao mhe tâm ăp ntil nău.

Ndăn ndâk ƀư, lôch jêh trong nchrăp ƀư tĭng dăp rgum; mĭn nkô̆ nău khlay, ngăch n’hanh prăk ƀư ăp bôk nău kan, nău nchrăp ƀư dăp rgum ngăn lah ăp nău nchrăp ƀư khlay. Ntrôl dăng pă an prăk ntuh kơl nsum, ngăn lah ăp ndơ ƀư, nău nchrăp ƀư khlay; mât uĕh tay ntrong ƀư kan ndrel nsum-êng; wăch rgum prăk ntuh kơl dak bah dih. Thủ tướng đă Bình Dương, hăn lor tâm nău kơl jay gŭ kon nuĭh nta nơih an nuĭh pah kan rwăt, manh, manh rwăt jay gŭ; mbơh ƀư săk rnglăy trong kan đăp mpăn nău rêh kon nuĭh, đăp mpăn nău geh kon nuĭh.