Jêh djăt nău rgop ntoh ngơi bah ăp n’gâng kan, nău kan n’gluh jêh nar pah kan, ndơn măt Chính phủ, Thủ tướng Chính phủ Phạm Minh Chính rnê rhơn nău nsrôih n’hanh săk rnglăy dơi geh bah Đảng bộ, n’gâng kan ƀon lan, tahen n’hanh nuĭh ƀon lan n’gor Hà Giang, rgop du gâl nsum bah lam dak.

Mpeh nău kan, trong mkra tâm năm tât Thủ tướng lah rjăp, an tâm rnglăp tâm ban ŭch tâm ntŭk nơm, tâm rgop rjăp đah trung ương, rgum ntĭm rđău, ƀĭt joet ƀư tĭng 3 trong rgâl têh, lơn lah rgum pă an prăk ntuh kơl nsum, ƀư uĕh trong kan dăp rgum n’hanh hun hao ntung trong uănh aơ lah nău kan chính trị khlay. Lôch uĕh tay ndâk njêng dăp rgum n’gor năm 2021-2030, uănh tât năm 2050 di ngăch, uĕh nâp.