VOV4.M'nông: Ta Hà Nội, wa Phạm Minh Chính, Ủy viên Bộ Chính trị, Thủ tướng Chính phủ hŏ ƀư tơm rơh pah kan đah Bộ Quốc phòng mpeh lôch jêh tĭng ƀư nău kan tahen, njrăng n'gang neh dak năm 2021; an ƀư nău kan tahen, njrăng n'gang neh dak tâm năm 2022 n'hanh tĭng ƀư Nghị quyết bah Bộ Chính trị mpeh Pah kan mât bôk kan tahen ƀon lan Việt Nam lvang năm 2021-2030 n'hanh ăp năm bah kơi nê. Lah rđău đă ta rnôk pah kan, Thủ tướng Phạm Minh Chính an lah, Bộ Quốc phòng hŏ ƀư jăp pah kan nchrăp an rơh pah kan, đah nkô̆ âk mpưm, rĭng ăp, tâm nê geh nău tât râng nsrôih rgop bah ăp nhih pah kan dơi kan. Rƀŏng tât du đêt nău kan rgum tơm năm 2022, Thủ tướng đă Bộ Quốc phòng n'hao tay nău dăng kan gŭ mĭn, uănh năl, nchroh di nô nău, lor nchrăp nsŏng kơl đah Đảng, Ngih dak nkra geh nău tam ăp nău tât, mô an geh ndrât ndal; uănh khlay gŭ mĭn, dăn đă n'hanh leo tĭng ƀư geh nău tam ăp trong nchrăp, trong nkra rgum lam, tơm khlay, jŏ jong, nking nchăng geh ma nău tâm lơh tât bah ơm, bah ngai./.

Nuĭh rblang: Điểu Thân