VOV4.M’nông – Kêng măng 27/3, Thủ tướng Chính phủ Phạm Minh Chính geh nar pah kan đah kruanh n’gâng tơm n’gor Quảng Nam. Jêh rnôk djăt ăp nău rgop ntoh ngơi, tâm nchră, n’glôn jêh nar pah kan, Thủ tướng Chính phủ Phạm Minh Chính uănh lah prêh ăp nău rƀŏng ma n’gor n’gluh an, lĕ dơi ƀư dŭt n’hâm, nuih n’hâm lĕ nău kan đah nău hun hao bah ăp ntŭk, n’hao nău rêh nuĭh ƀon lan. Mpeh nău mĭn êng, nău ntĭm rđău Thủ tướng lah rjăp:

Lam ntŭk rƀŭn nar pah kan.

An dŭt n’hâm, mbơh ƀư  săk rnglăy Nghị quyết Đại hội 13 bah Đảng n’hanh Nghị quyết Đại hội Đảng bộ n’gor; dŏng, ƀư tĭng di trong hăn bah Đảng, nău kơl bah pháp luật ngih dak, nău ntĭm rđău ƀĭt joet bah Chính phủ, Thủ tướng Chính phủ. Groi tĭng nău ngăn, ntoh luh bah nău ngăn, ryơk nău ngăn, sŏk nău ngăn ƀư lor; mĭn rƀŏng lôch yơn an ngăch, mĭn ƀư mhe, đăp mpăn săk rnglăy. Ƀư tĭng geh nău khlay, ƀư tât lôch tât dŭt, moh nău ƀư jêh nău nĕ.

Nuĭh rblang: Y Sưng Phê Ja