Ôi 16/3, Thủ tướng Chính phủ Phạm Minh Chính pah kan đah kruanh n’gor Hải Dương gay uănh lah săk rnglăy ƀư tĭng nău kan hun hao wăng sa rêh jêng, ndâk njêng trong chính trị năm 2022 n’hanh rƀŏng trong hun hao lvang bah năp tay; nkre mkra du đêt n’glôn jêh rơh rƀŭn, Thủ tướng Phạm Minh Chính lĕ rblang kloh mpeh ndơ geh âk, dơh tâm rlong n’hanh ăp nău hôm e.

Tâm năm tât, Thủ tướng đă, N’gor an mât uănh, mbơh ƀư săk rnglăy Nghị quyết Đại hội 13 bah Đảng, ăp Nghị quyết bah Trung ương n’hanh Nghị quyết Đại hội Đảng bộ n’gor; sŏk dŏng, ƀư tĭng di trong hăn bah Đảng, nău kơl pháp luật bah ngih dak n’hanh nău ntĭm rđău ƀĭt joet bah Chính phủ, Thủ tướng Chính phủ. Thủ tướng đă, n’gor Hải Dương tâm rgop đah N’gâng kan Văn hóa-Thể thao n’hanh pâl nđaih, n’gor Quảng Ninh n’hanh ăp ntŭk geh tât ƀư jêh sam ƀŭt rhăch nău pơk hvi dăp rgum Rkum di tích “Yên Tử-Vĩnh Nghiêm-Côn Sơn, Kiếp Bạc”. Nkre rgŏ jă ăp nuĭh, ngăn lah kan ndrel nsum mpôl mât uănh, ntuh kơl nkra tay, mât uĕh nău khlay văn hóa, llịch sử, pâl nđaih bah Rkum di tích aơ.