VOV4.M’nông- Kêng măng nar 12/6, Thủ tướng Chính phủ Phạm Minh Chính pah kan đah rnâng kan n’gor ủy Bắc Giang mpeh nău kan, nău geh mbơh ƀư tĭng Nghị quyết Đại hội 13 bâh Đảng n’hanh Nghị quyết Đại hội 19 bâh Đảng bộ n’gor Bắc Giang. Lôch geh djăt nău mbơh mpeh wăng sa rêh jêng n’gor, dŭt âk ăp đại biểu lĕ tâm ban ŭch đah nău mbơh tơih bâh n’gor n’hanh dăn đă ndơ̆ mbơh.

Nglôch lôch rơh rƀŭn nchră, Thủ tướng chính phủ Phạm Minh Chính rnê âk ăp nău geh ma n’gâng kan n’hanh ƀon lan n’gor Bắc Giang lĕ dơi geh tâm ba năp nơh. Mpeh ntrong kan tâm let năp tay Thủ tướng lah na nê̆ mât uănh, mbơh ƀư tĭng an geh săk rnglăy Nghị quyết Đại hội 13 bâh Đảng n’hanh Nghị quyết Đại hội Đảng bộ n’gor, geh dŏng, ƀư tĭng trong hăn têh khlăy bâh Đảng, nău kơl pháp luật bâh ngih dak n’hanh nău leo kan bâh chính phủ, Thủ tướng chính phủ. Uănh khlăy nău sơ kết, nglôch lôch, uănh năl nău tă kan, n’hao nău kan ueh di, trong kan geh săk rnglăy gay ma geh pơk hvi, njêng nău trĕ lam têh hvi.

Nuĭh rblang: Thị Đoắt