VOV4.M’nông- Nar 11/9, Thủ tướng Chính phủ Phạm Minh Chính lĕ geh rơh pah kan đah Tập đoàn Dầu khí ngih dak Việt Nam. Rơh pah kan geh ƀư sŏng dăng ta ntŭk kan tơm bâh PVN ta Hà Nội tâm rgop đah 13 ntŭk tâm mâp ăp ntŭk tơm bôk năp bâh PetroVietnam ta lam dak, ăp nău kan tơm pring, ntŭk sŏk dŏng ta bah dih dak lêng Việt Nam n’hanh liên bang Nga bâh Petrovietnam.

Lôch geh djăt ăp nău tâm rgop ntoh ngơi, nglôch lôch rơh pah kan, Thủ tướng chính phủ Phạm Minh chính rnê nău nsrôih kan, tâm rnglăp, mĭn kan tâm nău pah kan jan sa, rlet rlău ăp nău jêr jŏt gay ma mât nău hun hao bâh Tập đoàn. Thủ tướng lah na nê̆, lơ ma jêr jŏt, ntul rlong, nău kan lơ ma jêr an geh tâm rnglăp, dơn ngoăy, dơn kan, mĭn kan, nănh mĭn, nănh ƀư yor nău geh bâh ngih dak, mpôl rnoi. Nkô̆ nău kan khlăy ngăn lah ăp đồng chí mô dơi an mô geh ŭnh nar ngăn lah pring xăng. An geh rdâk njêng tập đoàn dầu khí lah tập đoàn wăng sa têh, săk rnglăy, lah doanh nghiệp tơm tâm nău mât rnă njrăng ŭnh nar ngih dak, ntop ƀư săk rnglăy an nău kan công nghiệp mhe, nău rêh mhe bâh neh dak.

                              Nuĭh rblang: Thị Đoắt