VOV4.M'nông: Ôi 16/8, Thủ tướng Chính phủ Phạm Minh Chính n'hanh mpôl pah kan bah Chính phủ hŏ tât ôp uănh n'hanh pah kan đah Tập đoàn Công nghiệp - Viễn thông Quân đội (Viettel).  Viettel lah doanh nghiệp dâk bôk năp bah n'gâng kan viễn thông Việt Nam n'hanh lah Doanh nghiệp têh tâl 4 bah neh dak, nsĭt geh rgum lĕ bah Tập đoàn way mât ta rnoh 150 rbăn rmen prăk/năm; nsĭt geh bah năp sŏk soăy way mât ta rnoh bơi 40 rbăn rmen prăk/năm.

Ntơh măt kruanh rđău kan Đảng, Ngih dak, Chính phủ, Thủ tướng nchih nkah n'hanh rnê ăp nău dơi hŏ geh ma cán bộ, sỹ quan, tahen, nuĭh kan bah Viettel hŏ nsrôih, dơi geh tâm bah ri aơ nơh. Gay ƀư lôch jêh nău kan tâm let năp tay, Thủ tướng dăn đă Bộ Quốc phòng rđău đă Tập đoàn Viettel tĭng ƀư jăp du đêt nău kan rgum tơm, tâm nê lah rjăp: Viettel ân jêng ntĭt leo bah doanh nghiệp ngih dak kan nsĭt geh wăng sa âk lơn, lah tập đoàn công nghiệp công nghệ têh bah neh dak, ngăch prăl, uĕh mhe, geh nău dơi tâm rlong âk tâm dak n'hanh dak bah dih./.

Nuĭh rblang: Điểu Thân