VOV4.M'nông: Ôi 5/9, tâm khuh n'gôr bah nar rgum hăn tât nhih nti, Thủ tướng Chính phủ Phạm Minh Chính njuăl nău dêh bên tât ăp nai ntĭm nti, cán bộ, công chức, viên chức, nuĭh kan n'gâng kan ntĭm nti ndrel ăp kon se nti lam dak n'hanh Nhih nti Tiểu học bah dih ngih dak Đoàn Thị Điểm nău mbah rhơn dŭt dêh bên, njuăl nău ôp khâl n'hanh mbah rhơn năm nti mhe dŭt uĕh lăng.

Thủ tướng ŭch rŏng tâm ăp nar hăn tât nhih nti ăp mon său dơi nti ăp nău kơt nti mpeh nuih n'hâm nkah gĭt n'hanh nău tâm rŏng ƀon tơm, neh dak. Nkah gĭt u che, me bơ̆, nai ntĭm nti hŏ nar măng mât chăm, ntĭm nti he. Ăp mon său mbra dơi nti ăp nău kơt nti mpeh nău nsrôih ndôr, rêh geh nău rŏng têh n'hanh geh nău di, lơn lah bah ăp nuĭh ntĭt leo lor kloh ang bah  rnoi nuĭh he kăl e. Đah ăp n'gâng kan, lơn lah Bộ Giáo dục đào tạo ân  rgum nkra tĭng kơn ăp nău nchiăng khan n'hanh ăp nău khoah ntoh luh. Nău kan ta năp măt ân ơm nkra dơi 3 nău mô tŏng, nê lah mô tŏng nai ntĭm - mô tŏng jrô nti - mô tŏng ndrôm si ƀŭt. Ƀư chuh vaccine ăp tŏng, khoa học, geh nău tam gay ăp mon său ngăch dăng hăn tât nhih nti, me bơ̆ đăp mpăn pah kan, nai ntĭm đăp mpăn pah kan ntĭm nti./.

Nuĭh rblang: Điểu Thân