Ôi 8/12, Thủ tướng Chính phủ Phạm Minh Chính râng nau mpla n’hơ neh dak lam ntur neh Việt Nam 2022 (Viet Nam Defence 2022). Mpla n’hơ yor N’gâng kan neh dak ƀư ntơm lơ 8-10/12/2022 ta tach ndeh mpar Gia Lâm, Long Biên, Hà Nội.

Thủ tướng lah rjăp, ndrel ma nau tâm rnglăp dôl geh dăng, jru tâm âk nau kan, nau tâm boh neh dak đah Việt Nam ndrel ăp dak lam ntur neh mro geh Đảng, Ngih dak Việt Nam kơl an, mât, ntŭt dăng ndrel hun hao.

Đah nkô̆ nau ntrŭt dăng nau tâm rnglăp lam ntur neh, ntrŭt dăng nau kan n’gâng kan neh dak, nau mpla n’hơ neh dak lam ntur neh Việt Nam 2022 lah nau ueh gay ăp nŭih rđau kan neh dak, ăp ntŭk kan neh dak, rnă njrăng tâm mâp, tâm nchră, hun hao, tâm boh, rƀŏng tât lam ntur neh ueh lăng, tâm boh ndrel hun hao nâp.

Nau mpla n’hơ neh dak lam ntur neh Việt Nam hŏ rgum geh rlau 170 công ty, ntŭk kan neh dak ntơm 30 dak lam ntur neh ndrel ăp n’gâng kan, ntŭk kan Việt Nam ndrel rlau 250 rmôt năch tă bah dak ba dih ndrel tâm dak râng, mpla n’hơ ăp ntil ndơ công nghiệp neh dak. Nau nê ntoh nau kơl an nau nau ŭch rŏng bah ăp dak, ăp ntŭk kan ân an Việt Nam ndrel tahen ƀon lan Việt Nam./.