VOV4.M'nông: Lah ta rơh nkah ndray nar Doanh nhân Việt Nam 13/10 n'hanh mpư rnê Doanh nhân Việt Nam ntoh lư tâm ôi 12/10, Thủ tướng Chính phủ Phạm Minh Chính njuăl nău mbah rhơn dŭt uĕh lăng tât ăp mpôl doanh nghiệp, rmôt doanh nhân Việt Nam, dăn an mpôl doanh nghiệp, rmôt doanh nhân Việt Nam nar lơn ma hun hao têh dăng, rgop tay âk lơn đŏng tâm rnôk rdâk njêng neh dak Việt Nam têh dăng, geh ndrŏng. Aƀaơ Việt Nam hŏ geh bơi 900 rbăn doanh nghiệp dôl kan.

Rmôt doanh nhân lam dak tât aƀaơ hao tât hang rkeh nuĭh. Nkual doanh nghiệp rgop rlău 60% GDP, nklăp 30% lĕ rngôch rnoh nuĭh dôl pah kan. Lah ta rơh lễ, Thủ tướng Phạm Minh Chính lah rjăp, Chính phủ mbra rdâk njêng tay, ƀư lôch jêh nău way trong kan, n'hao âk trong tâm dâl nău, way ndrel hăn, djăt, nkoch, nkra ăp nău jêr jŏt, kŏ kol, dăn đă bah doanh nghiệp. mpeh bah mpôl doanh nghiệp, doanh nhân Việt Nam Thủ tướng ŭch rŏng ăp doanh nhân n'hao dăng tay nău dơi tâm rlong tâm ndơ geh ƀư, rhŏ dŏng bah he, rgop hun hao wăng sa- rêh jêng kon nuĭh neh dak.

Ta rơh lễ mpư rnê Thủ tướng Chính phủ Phạm Minh Chính hŏ ntăm an 10 doanh nhân Việt Nam dŭt ntoh lư Việt Nam năm 2022, Ban tổ chức hŏ ntăm an 6 doanh nhân geh nău dơi rgop dŭt âk tâm trong njrăng n'gang nuh srê Covid-19 n'hanh pă an 60 săk ntơ doanh nhân Việt Nam ntoh lư năm 2022.

VOV.VN

Nuĭh rblang: Điểu Thân