Lơ 12/5, ta nkuăl Kiến Xương, n’gor Thái Bình, Thủ tướng Chính phủ Phạm Minh Chính râng ntơm ndâk ƀư trong hăn ngăch Hải Phòng-Ninh Bình gâl rlet n’gor Nam Định, Thái Bình. Ntoh nau tâm nar ndâk, Thủ tướng đă ăp tơm ntuh kơl ndâk rgum âk máy móc, nŭih kan gay ƀư tâm nuih n’hâm “3 ca, 4 kíp”, nsôih ân jêh trong rlet n’gor Thái Bình, Nam Định tâm năm 2026, đăp mpăn nâp, mô geh ntop tay prăk ƀư.

Thủ tướng đă ăp n’gor, rmôt kan geh tât ƀư ueh nau kan trok tâm, kơl an, ntrơn ntŭk; đăp mpăn nau pă ndơ dŏng ndâk nkra, đăp mpăn nau ngăch kan bah bôk nau kan. Thủ tướng kuăl jă nuih n’hâm ƀư kan ueh bah n’gor Ninh Bình, Nam Định, Hải Phòng tâm rgop gay ƀư nkra trong ân ngăch nâp, nkre rnơm, đah nau nsôih bah nteh gâr Thái Bình năm 1930, Thái Bình mra ơm ƀư jêh ueh nau kan aơ./.