Đah bôk nău "Nsum mpôl doanh nghiệp hăn ndrel đah Chính phủ Việt Nam  tâm ƀư tĭng nău hao jêng uĕh nđĭr”, rƀŭn nchră lah di an nsum mpôl doanh nghiệp tâm ôp an Chính phủ ăp trong mkra gay ƀư tĭng nău rƀŏng hun hao wăng sa uĕh kloh, nâp nâl; geh ton, geh trong ƀư na nê̆, n’hao lĕ nău kan nsum mpôl bah doanh nghiệp bah meng nĕ nău ƀư tĭng ntuh kơl tăch rgâl geh săk rnglăy.

Ntoh ngơi ta rƀŭn nchră, Thủ tướng Phạm Minh Chính an gĭt, năm aơ Việt Nam lĕ ntơm năm tal 3 ƀư tĭng trong nchrăp hun hao wăng sa 5 năm 2021-2025 đah nău ŭch rgum lĕ đăp mpăn wăng sa têh, hun hao ngăch n’hanh nâp nâl. Ndrel đah ăp nău nsrôih ntrôl dăng rgâl nkra sam ƀŭt hành chính, rgâl mrô, rgâl ntŭk ntô ntuh kơl tăch rgâl, Chính phủ Việt Nam ntrôl dăng tay rgum lăp lam ntŭr neh, nsĭt tay âk nău geh mhe an ăp doanh nghiệp, pơk luh ntŭk ntô hun hao têh hvi bah ăp Hiệp định FTA rơh mhe nsĭt tay.