VOV4.M'nông: Ôi 26/1, Thủ tướng Chính phủ Phạm Minh Chính râng sa nkra ntung Cửa Lục 1 n'hanh trong dak lêng Hạ Long- Cẩm Phả rơh 1. Ntung trong ƀư ntơm bah nar 28/4/2020, weh ƀư 6 mbor ndeh, jong lĕ du njăr trong 4.265m, lĕ rngôch rnoh prăk ntuh kơl rlău 2.100 rmen prăk. Trong dak lêng njok n'gor mô dơn nthoi 2 nkual ƀon têh tơm bah n'gor Hạ Long- Cẩm Phả, ma hôm nthoi đah 2 drăp ndơ ơm yău ntlơi an tay Vịnh Hạ Long - Bái Tử Long, nta trong dơh rsong hăn, đăp mpăn an nuĭh ƀon lan. Nkre, rgop mât dŏng tâm di ăp săk geh mpeh neh ntu tâm nkual njăr trong hăn rlău, nta trong dơh an hun hao tăch rgâl, rhŏ dŏng, pâl nđaih, njêng ndrâm nsrŭng n'hanh nkual ƀon lan gŭ njok trong hăn. Lah ta rơh sa nkra, Thủ tướng Chính phủ Phạm Minh Chính lah rjăp, ntung trong tơm khlay n'gor Quảng Ninh hŏ n'hanh dôl nsrôih an ƀư năl dơi nău jêng geh bah n'gor tâm trong tĭng ƀư đăt ndal nău geh mpeh ntung trong ăp kôp, uĕh mhe, đăp mpăn tâm mbluh rgum lam lĕ rngôch, ntrŭt ntrôl buăt nthoi tâm rgop nkual./.

Nuĭh rblang: Điểu Thân