VOV4.M’nông – Kêng măng nar 21/6 ta Ngih Chính phủ, Thủ tướng Chính phủ Phạm Minh Chính lĕ rgum nchră đah Kruanh Quốc hội Mozambique Esperanca Bias dôl hăn khâl na nê̆ tât Việt Nam. Thủ tướng Phạm Minh Chính mbah rhơn Mozambique rơh bôk năp dơi săch ƀư Ủy viên mô rnâng kan Hội đồng Bảo an Liên hợp quốc năm kan 2023-2024 đah rnoh phiếu dŭt âk n’hanh nsing nơm Mozambique mbra lôch uĕh nău kan aơ, rgop uĕh an đăp mpăn, rnă njrăng, kan ndrel n’hanh hun hao nkual n’hanh lam ntŭr neh. Thủ tướng mĭn lah kan ndrel đah Việt Nam n’hanh Mozambique hôm e dŭt têh, Việt Nam nchrăp tâm pă nău blău ơm hun hao n’hanh tâm nchră bah dih, tâm rnglăp ndrel đah Mozambique; dăn đă ăp trong mkra gay ƀư jru lơn tâm boh ăp ding n’hanh ŭch Quốc hội 2 dak kơl tay, nta an tâm rnôk mbơh ƀư. Kruanh Quốc hội Mozambique mĭn lah Mozambique uănh Việt Nam lah ngoăy tâm ăp dak khlay ngăn ta châu Á; ton mât tay ƀư tơm ngih pah kan ndâk njêng pháp luât kơl n’hanh nta an nău ntrôl kan ndrel đah 2 dak.

Nuĭh rlang: Y Sưng Phê Ja