VOV4.M’nông – Kêng măng nar 15/3 năm 2022, ta Ngih Chính phủ, Thủ tướng Chính phủ Phạm Minh Chính lĕ rgum ôp wa Giu-li-út Ma-đa Bi-ô (Juius maada Bio), Tổng thống dak Cộng hòa Sierra Leone. Thủ tướng uănh lah prêh ăp njoat hun hao uĕh lăng tâm boh đah 2 dak. 2 ding hôm e geh âk ndơ dơi ƀư gay dơi n’hao lơn tay săk rnglăy kan ndrel, ngăn lah tâm ăp nău kan tăch rgâl, ntuh kơl, lŏ mir, công nghệ, ntĭm nti. Rnă njrăng, mât njrăng bri dak, tâm nđŭr nuĭh ƀon lan.

Thủ tướng Phạm Minh Chính rgum ôp Tổng thống dak Cộng hòa Sierra Leone.

Thủ tướng đă ăp N’gâng kan, nău kan, doanh nghiệp 2 ding an tâm rgop rjăp, mbơh ƀư geh săk rnglăy ăp tâm ton kan ndrel ta ăp nău kan dơi geh âk, ƀư lor gay pơk hvi an ăp nău kan êng. Thủ tướng Chính phủ Phạm Minh Chính n’hanh Tổng thống Julius Maada Bio nsing nơm nău tâm boh dăch dêh n’hanh kan ndrel đah Việt Nam n’hanh Sierra Leone mbra mô rlu hun hao yor nău uĕh bah nuĭh ƀon lan 2 dak, yor đăp mpăn n’hanh hun hao tâm nkual n’hanh lam ntŭr neh.

Nuĭh rblang: Y Sưng Phê Ja