Ntoh ngơi ta rơh tâm mâp, Thủ tướng Phạm Minh Chính lĕ mbơh tât cử tri ăp nău wăng sa rêh jêng tâm dak n’hanh dak bah dih, ăp nău jêr jŏt, ntul rlong geh tât n’hanh khuch tât nău rêh bâh ƀon lan.

Thủ tướng lah na nê̆ ăp nău ôp, nău dăn đă ngluh mbơh 12 nău lĕ rngôch mpeh hun hao wăng sa rêh jêng n’hanh doh rklaih ăp nău jêr jŏt ntrôl nău tăch rgâl ta ăp rmôt nău ăp cử tri mât uănh, tâm nĕ lah na nê̆ nău jêr an geh doh rklaih, ntul rlong an geh rlet rlău, nău nsrôih an đăp mpăn wăng sa têh, mât njrăng bah lạm phát, ntrôl an hun hao, mât tâm ban kan têh, đăp mpăn chính trị, pơk hvi nău lăp kan ndrel, tâm kơl kan lam ntur neh. Ta rơh tâm mâp cử tri, Thủ tướng Phạm Minh Chính n’hanh mpôl đại biểu Quốc hội Cần Thơ lĕ geh lĕ ndơ, rgŏ rgop 300 nuĭh kan lah đoàn viên n’hanh nuĭh pah kan geh nău rêh jêr jŏt.