VOV4.M’nông- Kêng măng nar 13/9, ta ntŭk kan Chính phủ, Thủ tướng Chính phủ Phạm Minh Chính lĕ tâm nchră đah kruanh Quốc hội dak Campuchia Samdech Heng Samrin dôl tât khâl ngăn Việt Nam. Ta rơh vơt, bar hê nuĭh leo kan mpơl nău mĭn ŭch mpeh nău hun hao đăp mpăn bâh tâm boh kan Việt Nam- Campuchia.

Mpeh trong kan n’hao tâm boh tâm kơl đah bar dak tâm let năp tay, bar hê nuĭh leo kan tâm ban ŭch geh tâm mâp, tâm mbơh gâl têh ƀa ƀơ ta lĕ rngôch ăp ntŭk kan gay ma mô rlu ndâk nsơm nău tâm boh kan chính trị tâm knơm, ăp ntŭk kan lập pháp n’hanh hành pháp 2 dak an geh n’hao tay nău kan ntrôl tâm boh kan. Tâm mbơh mpeh tâm kơl kan âk ding, bar hê nuĭh leo kan tâm ban ŭch bar ding tâm rgop tay, tâm kơl ndrel ta ăp ntŭk tâm mâp lam ntur neh n’hanh ta nkual. Thủ tướng Phạm Minh Chính lah na nê̆ Việt Nam kơl n’hanh knơm Campuchia mbra dơn kan geh nău dơi ƀư kruanh ASEAN n’hanh AIPA năm 2022.

Nuĭh rblang: Thị Đoắt