Kêng măng nar 13/12, lôch rơh vơt ta Cung điện Egmont, bar hê Thủ tướng lĕ ƀư tâm nchră. Ta rơh tâm nchră, bar hê nuĭh leo kan lĕ dơn ngoăy ăp trong kan, ntrong kan têh gay ma ntrôl dăng lĕ rngôch nău tâm kơl đah bar dak ngăn lah ƀư ueh khlăy nău tâm boh tâm kơl ta rơh tâm nchră ntrong kan lĕ rngôch mpeh tuch tăm, ntrôl nău tâm kơl ntuh kơl, tăch rgâl ta ăp trong kan geh nău dơi êng.

Bar ding tâm ban ŭch pơk hvi nău tâm kơl tâm dak ta ăp trong kan mât rnă njrăng ngih dak, ntĭm nti, văn hóa, ngăn lah leo ƀư nar văn hóa ta ăp dak gay ma n’hao nău tâm gĭt vât, tâm nđŭr ƀon lan, pâl nđaih n’hanh ntrôl dăng tâm rgop doh rklaih ăp nău ntul rlong lam ntur neh. Thủ tướng Chính phủ Phạm Minh Chính dăn đă Chính phủ Bỉ an geh mât uănh, nta nău dơh nơih an nuĭh Việt Nam ta Bỉ lăp kan ndrel geh nău dơi n’hanh tâm rgop âk an nău hun hao wăng sa- rêh jêng Bỉ, uănh aơ lah ntung njŏ ntrŭt đă nău tâm boh tâm kơl đah bar dak.