Ta rơh vơt, bar hê nuĭh leo kan rnê âk nău nsrôih mpeh ăp nău hun hao bâh nău tâm boh kan bar Đảng, 2 dak tâm ba năp nơh, tâm mbơh ăp trong kan gay ma n’hao nău dơi, nău geh kan bâh bar ding, ntrôl tay lơn nău tâm boh tâm kơl đah bar ding, ngăn lah đah ăp ntŭk kan Việt Nam đah n’gor Vân Nam tâm let năp tay.

Thủ tướng ŭch tâm let năp tay, ăp gâl kan, ăp ntŭk kan bar ding an geh ƀư ueh du đê̆ nău kan kơt aơ: Ngoăy lah, mât ueh nău tâm nđur, tâm mâp ƀa ƀơ. Bar lah, pơk hvi tâm kơl ndrel geh ueh đah nău kan tơm khlăy lah njêng nău rgâl mhe têh mpeh tâm kơl wăng sa- tăch rgâl, tâm rgop mpeh trong hăn, trong loih, pâl nđaih n’hanh ntĭm nti. Pe lah, tâm rgop tay na nê̆ tâm nău kan mât uănh, mât trong n’har bri ta neh kơh Việt Nam-Trung Quốc.