Ta rơh vơt, Thủ tướng n’hanh groi kruanh Ủy ban châu Âu EC rhơn geh saơ tâm ba năp nơh, nău tâm boh kan tăch rgâl- ntuh kơl Việt Nam ndâk nsơm n’hanh hun hao ueh bol ma geh ăp nău jêr jŏt yor Covid-19 n’hanh mô geh pă tŏng ndơ tăch rgâl.

EU aƀaơ lah dak tăch rgâl têh tal 4 lôch trung Quốc, Hoa Kỳ, Hàn Quốc, ntŭk tăch rgâl an dak bah dih têh tal 3 n’hanh rvăt nglăp têh tal 5 bâh Việt Nam. Hôm Việt Nam lah dak tăch rgâl têh bôk năp bâh EU ta ASEAN. Thủ tướng Chính phủ lah na nê̆, Việt Nam way uănh Eu lah ngoăy tâm âk dak geh nău knơm, dŭt khlăy ngăn ta nău kơl kan đah dak bah dih bâh nơm. Gay ma mbơh ƀư geh săk rnglăy tâm boh kan tâm kơl kan Việt Nam- EU, Thủ tướng đă 2 ding an geh n’hao tâm mbơh kan, ntrôl tâm kơl kan ta ăp trong kan rgâl mhe ueh nđir, rgâl mhe rnoh mbrô, nău wăng sa tâm pleh, wăng sa tâm kơl, rdâk njêng n’hanh ƀư lôch nău kan ntĭm nti nuĭh kan.