Ôi lơ 5/6, Thủ tướng Phạm Minh Chính hŏ vơt wa Thani bin Ahmed Al Zwyoudi, Quốc vụ khanh ƀư nau kan tăch rgâl bah UAE (dak dak Arab dơn ngoai). Thủ tướng Phạm Minh Chính lah rjăp UAE lah ngoai tâm ăp dak văng sa bôk năp bah Việt Nam tâm nkuăl Trung Đông. Bol ma mâp âk nau jêr yor srê ji ndrel nau kan bah lam ntur neh, yơn tơm prăk ƀư nau kan tăch rgâl bar ding năm 2022 hŏ bơi tât 5 rmen đôla.

Rơh tât, Thủ tướng đă bar ding ntrŭt dăng tâm boh văng sa, tăch rgâl, ntuh kơl, tâm nê ƀư tâm nchră kan nsum văng sa ăp ntil đah Việt Nam-UAE du trong ngăch ngăn, đă UAE pơk hvi ntŭk kan tăch rgâl ân ăp ntil ndoh ndơ tăch luh bah Việt Nam. Kruanh n’gâng kan nchră nau UAE lah rjăp Việt Nam lah dak kan nsum khlay bah UAE, ngăn lah tâm nau hun hao tăch rgâl đah ASEAN, ân lah 2 ding ân geh âk nau tâm ban gay tâm kơl hun hao./.