Thủ tướng Chính phủ mpơl nău rhơn ta năp nău hun hao têh dăng, lĕ rngôch n’hanh ngăn ngên bâh nău tâm boh kan Việt Nam- Australia; lah na nê̆ nău n’hao tâm boh kan hao jêng kan ndrel lĕ rngôch lah nău geh bâh trong nsrôih, nău hun hao bâh lĕ 2 ding tâm rlău 50 năm hun hao tâm boh kan nchră nău đah Thủ tướng Chính phủ Phạm Minh Chính lah ueh Australia deôl mbơh tơih âk nău tâm kơl kan ngăn ngên, săk rnglăy, kơl an Việt Nam ta âk trong kan bâh mât rnă njrăng ngih dak- rnă njrăng đăp mpăn, ntĭm nti n’hao nău dơi kan, khoa học công nghệ, rgâl mhe mĭn kan n’hanh rgâl mpeh trôk nar mih sial, đă 2 ding an nsrôih tâm rgop na nê̆ ƀư ăp nău tâm ton gâl têh lĕ dơi geh, ndơ̆ tay nău tâm kơl kan hăn lăp jru tâm nău rêh an tâm di đah nău tâm boh kan ndrel lĕ rngôch. Bar hê nuĭh leo kan tâm ban ŭch ntrôl tâm nchră kan, mbơh nău, n’hao gĭt vât n’hanh tâm knơm ndrel, ƀư kloh ueh nău tâm kơl kan mât rnă njrăng ngih dak n’hanh rnă njrăng, ntrôl an tâm kơl kan wăng sa geh săk rnglăy âk lơn.