VOV4.M’nông: Lơ 30/3/2022 ta ntŭk kan Chính phủ, Thủ tướng Chính phủ Phạm Minh Chính hŏ vơt nŭih ntoh măt bah Hoa Kỳ ta Marc E. Knapper tât mbah di rnôk nŭih ntoh măt aơ tât ntơm ƀư nau kan. Ta nar vơt, Thủ tướng rhơn nŭih ntoh măt Marc E. Knapper hŏ geh Tổng thống Joe Biden jao nau kan mhe ndrel plơ̆ tay Hà Nội pah kan ƀư ntoh măt, ntoh nau rnưom tâm nau kan mhe, Ntoh măt mra lŏ rgop lơn đŏng nau tâm boh kan nsum đah ăp dak kan nsum bah bar dak. Thủ tướng lah rjăp Hoa Kỳ lah ngoai tam ăp dak kan nsum khlay bôk năp bah Việt Nam ndrel Việt Nam ŭch ndrel Hoa kỳ lŏ leo nau tâm boh kan nsum ăp ding lăp tâm nau jru, săk tam, ngăn tâm nau tâm ryơk đăp mpăn, ƀư tơm, nkuăl neh, nau kan chính trị ndrel nau geh nkhah êng êng. Ntoh măt Hoa kỳ Marc E. Knapper ntoh nau rhơn geh plơ̆ kan tay tâm Việt Nam, rnê nau hun hao rjăp bah Việt Nam tâm ăp trong, ngăn lah tâm nau kan njrăng rdâng srê ndrel ndâk nau hun hao văng sa jêh bah srê./.

Nŭih rblang: H’Thi