VOV4.M’nông: Kêng măng 31/3, ta ntŭk kan Chính phủ, Thủ tướng Chính phủ Phạm Minh Chính hŏ vơt ntoh măt bah Thái Lan ta Việt Nam wa Ni-kon-đệt Plang-kun tât mbah. Tâm nar vơt, Thủ tướng Phạm Minh Chính rnê prêh nau tâm boh kan nsum, n’hao nau tâm boh Việt Nam-Thái Lan rơh rlau aơ hun hao ueh, hăn lăp jru tâm ăp nau kan. Thủ tướng Chính phủ lah rjăp bar dak ân geh lŏ n’hao lơn tay nau tâm boh tâm rnơm, tâm nê geh nau ntrŭnh ƀư tâm nchră, mât mâp gưl prêh ndrel ăp gưl, ăp nau kan tâm boh bar ding, ngăn lah nau rƀŭn Chính phủ nsum đah bar Chính phủ ndrel uỷ ban tâm boh barding. Thủ tướng đă bar ding ntrŭt dăng nau tâm nchră mpeh nau tâm boh kan nsum. Thủ tướng đă bar ding ân ntrŭt dăng ngăch mpeh nau kơp dơn hộ chiếu vắc xin nsum, pơk mpông ăp trong mpăr kơt nau vay, njêng trong pâl n’aih, tăch rgâl bar dak, lah rjăp, Việt Nam mra lŏ tâm boh rjăp đah Thái Lan gay mât đăp mpăn nau dơi geh jêng bah Năm APEC Thái Lan 2022./.

Nŭih rblang: H’Thi