VOV4.M’Nông- Kêng măng nar 31/5, ta ntŭk kan chính phủ, Thủ tướng Chính phủ Phạm Minh Chính vơt wa Pascal Soriot, Tổng giám đốc tập đoàn AstraZeneca di rơh nuĭh leo kan AstraZeneca tât khâl pah kan ta Việt Nam tĭng nău jă bâh Thủ tướng Chính phủ. Ta rơh vơt, Thủ tướng Chính phủ Phạm Minh Chính rnê âk nău kan n’hanh tâm rgop bâh Tập đoàn AstraZeneca tâm nău nsrôih njrăng rdâng tay đah nuh srê Covid-19 ta lam ntur neh n’hanh ta Việt Nam. Thủ tướng lah ueh nău tâm kơl na nê̆ n’hanh săk rnglăy đah AstraZeneca n’hanh Việt Nam tâm ba năp nơh, ngăn lah  êng wa Pascal Soriot lĕ mât uănh ntĭm leo AstraZeneca pă ơm lor bơi tât 30 rkeh dĭng Vacxin njrăng đah Covid-19 an Việt Nam tâm năm 2021. Rnê nău ntrŭnh pơk hvi ntuh kơl đah nău tâm kơl kan nkra njêng dak si đah rnoh khlăy 90 rkeh đôlar ta Việt Nam, Thủ tướng mpơl nău rhơn mpeh nău n’gâng kan dak si n’hanh công ty AstraZeneca Việt Nam dôl nsrôih tâm mbơh gay ma hăn tât nău tâm ton kah gĭt mpeh tâm kơl đah bar ding. Aơ lah nău kan gay ma AstraZeneca tâm kơl jŏ jong ta Việt Nam, mpơl nău tâm ton hăn ndrel đah Việt Nam ta nău hun hao nâp nâl.

Nuĭh rblang: Thị Đoắt