Kêng măng 24/5, ta ntŭk kan Thủ tướng Chính phủ Phạm Minh Chính vơt wa Karan Adani, Tổng Giám đốc Công ty Cảng ndrel nkuăl văng sa, tâm rmôt kan Adani-ngoai tâm ăp rmôt kan văng sa têh ngăn ta Ấn Độ, dôl mĭn, uănh, nchră joi tay ăp nau dơi gay ma ntuh kơl ta Việt Nam. Tâm nar vơt, Thủ tướng Chính phủ Phạm Minh Chính rnê wa Karan Adani khâl Việt Nam, lah rjăp Việt Nam mro uănh khlay nau tâm boh vay ơm ndrel tâm boh đah Ấn Độ, rhơn bah năp nau tâm boh nau kan ăp ntil đah 2 dak tâm nau dôl hun hao ueh tâm ăp nau kan.

Thủ tướng lah rjăp, ntrơn rgâl mrô, ndâk njêng văng sa mrô, nau rêh mrô lah nau kan bah lam ntur neh, Việt Nam mô geh bah dih nau nê ndrel ŭch Adani pơk hvi lơn tay nau ntuh kơl rjăp tâm nau kan aơ. Thủ tướng lah rjăp, Chính phủ Việt Nam mra pơk trong nơih gay rmôt kan Adani lŏ mĭn ƀư ăp nau kan gay ntuh kơl êng tâm Việt Nam, nkre lah leo trong tâm nau bonh đă tay ăp tơm ntuh kơl bah Ấn Độ tât Việt Nam./.