VOV4.M'nông: Nar 11/5/2022, nkhêp geh râng Tâm nchră gưl têh mha êng ASEAN - Hoa Kỳ, Khâl n'hanh pah kan ta Hoa Kỳ n'hanh Liên Hợp Quốc, ta thủ đô Washington DC, Hoa Kỳ, Thủ tướng Chính phủ Phạm Minh Chính hŏ wơt Bộ trưởng Tài chính Hoa Kỳ Janet Yellen. Ta rơh wơt, Thủ tướng Chính phủ rnê âk ta jâng nsing tâm boh lam lĕ rngôch Việt Nam - Hoa Kỳ, tâm boh đah bar dak mpeh wăng sa- tăch rgâl n'hanh prăk kaih tâm bah ri aơ nơh geh njuat hun hao nsrôih uĕh.

Thủ tướng dăn đă Chính phủ n'hanh Bộ Tài chính Hoa Kỳ ntop kơl n'hanh tâm boh lhăt đah Việt Nam mpeh hun hao wăng sa, nkra nău ntul rlong lam ntŭr neh, tâm nê geh nkô̆ nău rgâl ŭnh nar n'hanh tĭng ƀư nău ton ta COP26, tâm boh gay rdâk njêng ăp nău way wăng sa ta nkual, đăp mpăn tâm boh tăch rgâl n'hanh rêng pă an ndơ. Thủ tướng ŭch rŏng Hoa Kỳ tâm pă nău tă ơm gĭt kan hun hao ntŭk tăch rgâl prăk kaih, lơn lah ntŭk tăch rgâl chứng khoán, ntŭk tăch rgâl neh ntu du trong kloh rvah, đăp mpăn, rgop  đăp mpăn wăng sa têh./.

Nuĭh rblang: Điểu Thân