VOV4.M’nông – Kêng măng nar 5/9, ta ntŭk Chính phủ, Thủ tướng Chính phủ Phạm Minh Chính lĕ wơt Đặc phái viên bah Tổng thống Hoa Kỳ mpeh trôk nar John Kery khâl pah kan ta Việt Nam. Ta nar wơt, 2 ding ndrel tâm ban ŭch hun hao tâm boh kan ndrel lĕ rngôch Việt Nam-Hoa Kỳ nar lơ ngăn ngên, hăn lăp jru, đăp mpăn tâm ryơk đăp mpăn, ƀư tơm, uĕh lăng neh dak n’hanh trong chính trị ndrel, ndrel nsrôih rƀŏng tât tâm boh mhe rnôk geh nău dơh.

Thủ tướng wơt Đặc phái viên bah Tổng thống Mỹ mpeh rgâl trôk nar phŭt sial.

Thủ tướng Phạm Minh Chính rnê Hoa Kỳ n’hao kañ drel đah ăp dak, tă bah nĕ tâm rgop âk lơn an đăp mpăn, kan ndrel, hun hao ta nkual. Việt Nam mpŏng Hoa Kỳ mbra ƀư ton tay đah nău kơl ƀư ta n’gul bah ASEAN, tâm boh kan ndrel ASEAN-Hoa Kỳ n’hanh tâm boh kan ndrel Mê Công-Hoa Kỳ. Đặc phái viên Kerry mĭn lah tay, Hoa Kỳ uănh khlay tâm boh kan ndrel lĕ rngôch đah Việt Nam, kơl Việt Nam rgop ƀư tơm, ngăn ngên ta nkual n’hanh rdâng đah ăp nău lam ntŭr neh, tâm nĕ geh rgâl trôk nar phŭt sial.

Nuĭh rblang: Y Sưng Phê Ja