Kêng măng 6/4, ta Ntŭk kan Văn phòng Chính phủ, Thủ tướng Chính phủ Phạm Minh Chính lĕ wơt Groi Thủ tướng Chính phủ Nga Dmitry Chernyshenko dôl geh rơh khâl na nê̆ Việt Nam n’hanh ndrel ƀư tơm Rơh rƀŭn tal 24 Ủy ban 2 chính phủ Việt Nam-Nga mpeh kan ndrel wăng sa-tăch rgâl n’hanh khoa học-kỹ thuật bah nar 5 tât nar 7/4 năm 2023.

Ta rơh mâp, Thủ tướng Chính phủ Phạm Minh Chính mĭn lah Chính phủ Việt Nam ryơk nău tâm boh dăch dêh way ơm n’hanh kan ndrel uĕh lăng tĭng nuih n’hâm kan ndrel lĕ rngôch Việt-Nga. 2 ding uănh lah prêh ăp săk rnglăy dơi geh kan ndrel ăp ding tâm năm bah năp đah nău tâm boh chính trị dơi mât, kan ndrel ta ăp ntil nău way ơm dơi ntrôl dăng tay; mĭn lah Rơh rƀŭn tal 24 Ủy ban 2 chính phủ Việt Nam-Nga nkhêp di dơh an 2 ding tâm rgâl, tâm ban ŭch ăp trong n’hao lơn tay kan ndrel ăp ding, kơt jêng geh soan mhe gay mbơh ƀư săk rnglăy ăp nău nchrăp ƀư kan ndrel tâm năm tât.