Kêng măng 13/9, ta Ngih Chính phủ, Thủ tướng Chính phủ Phạm Minh Chính lĕ wơt Mpôl ăp Kruanh Hội đồng mbơh ntĭm tăch rgâl ASEAN (ASEAN BAC) nkhêp di hăn râng rơh rƀŭn tal 101 bah ASEAN BAC ta Hà Nội. Nău mbơh tât Kruanh ASEAN BAC ăp dak mpeh nu nău khuch yor phŭt mrô 3 n’hanh mih dak lip, dak băm lơh ăp nar bah năp ta ăp n’gor mpeh bắc Việt Nam, Thủ tướng Chính phủ Phạm Minh Chính lah uĕh Kruanh ASEAN BAC ăp dak lĕ tâm pă n’hanh rgop ndrel Việt Nam mkra khuch khat.

Thủ tướng Chính phủ mbah rhơn lôch uĕh bah rơh Rƀŭn ASEAN BAC  rơh tal 101 mhe ƀư ta Hà Nội n’hanh ăp nău dăn đă, dăn đă tâm nău mbơh mpeh bôk nău kan bah ASEAN BAC tâm năm 2024; Mpŏng ăp nău khlay kơl lor ma Hội đồng dôl mbơh ƀư mbra rgop ntrôl dăng tâm rnôk rgâl mhe, lôch jêh trong ƀư, nău kơl, rgop dơh tăch rgâl n’hanh ntuh kơl, rgâl mrô, hun hao nâp nâl n’hanh rgum lĕ bah ASEAN, ngăn lah ăp nuih n’hâm hao jêng mhe... Tă bah nĕ doanh nghiệp mkra jêr jŏt n’hanh dŏng nău geh ăp nău dơi hun hao.