Kêng măng (1/8) ta Ngih pah kan Chính phủ, Thủ tướng Chính phủ Phạm Minh Chính lĕ wơt kruanh n’hanh doanh nghiệp bang California, Hòa Kỳ yor Kruanh nkual ƀon têh Oakland, wa Sheng Thao leo trong dôl geh rơh khâl pah kan ta Việt Nam.

Ta nar wơt, Thủ tướng Chính phủ Phạm Minh Chính uănh lah prêh tâm boh uĕh lăng đah Việt Nam n’hanh bang Califorlia lah nsum n’hanh đah nkual ƀon têh Oakland lah êng, lơn lah mpeh wăng sa tăch rgâl n’hanh kan ndrel ndrâm dak lêng; lah rjăp bang California lah ngoăy tâm âk ntŭk kan ndrel bôk năp bah Việt Nam đah bơi 100 doanh nghiệp bah bang lĕ ntuh kơl an Việt Nam, doanh nghiệp Việt Nam lĕ geh rlău 70 nău nchrăp ƀư ntuh kơl an California. Thủ tướng Chính phủ Phạm Minh Chính đă Kruanh nkual ƀon têh Oakland n’hanh ăp kruanh bang California uănh tay hun hao tâm boh lah ntung nthoi đah Hoa Kỳ n’hanh Việt Nam lah nsum kơt đah ăp doanh nghiệp 2 dak lah êng, rgop ntrôl n’hanh nâp nâl lơn tay đah tâm boh Việt Nam-Hoa Kỳ.