Thủ tướng Phạm Minh Chính mbah rhơn n’hanh rhơn rnê wa Shiota Koichi n’hanh mpôl ntơh măt n’gor Kagoshima khâl Việt Nam di rnôk bar dak dôl nkah ndray 50 năm njêng tâm boh Việt Nam - Nhật Bản. Tĭng Thủ tướng, tâm boh têh jong jru hvi Việt Nam - Nhật Bản dôl tâm rnôk hun hao uĕh lăng.

 Nhật Bản lah dak tâm boh wăng sa khlay dâk bôk năp bah Việt Nam, lah dak kơl ODA dŭt têh, nuĭh ntuh kơl n’hanh dak tâm boh pâl nđaih têh tâl pe, tâm boh tăch rgâl têh tâl puăn bah Việt Nam. Thủ tướng an lah đah n’gor Kagoshima n’hanh ăp n’gor bah Việt Nam geh âk ndơ săk geh tâm kơi ntop nsum, săk geh tâm boh hôm dŭt têh. Thủ tướng đă Thống đốc n’hanh n’gâng kan n’gor Kagoshima ntrŭt nsôr ăp doanh nghiệp bah n’gor ntuh kơl âk lơn tâm Việt Nam tâm ăp ntil trong kan ma n’gor săk geh kơt ô tô, điện tử bán dẫn, tuch tăm, nkret njêng ndơ tuch tăm n’hanh công nghiệp ntop kơl./.