VOV4.Mnông - Dơn nău jă bâh Thủ tướng Nhật Bản Kishida Fumio, Thủ tướng Chính phủ Phạm Minh Chính lĕ tât râng n’hanh ntoh ngơi sŏng dăng ta rơh rƀŭn nchră gâl têh tal 4 nkual châu Á- Thái Bình Dương sĭt dak nơm. Ntoh ngơi ta rơh rƀŭn nchră, Thủ tướng Phạm Minh Chính lah na nê̆ ăp nău tât ntŭk rêh jêng khuch tât ê hŏ tă geh bâh ăp nău ntul rlong geh tĭng lam ntur neh kơt lah nuh srê Covid-19, nău tât trôk nar, mih sial,  sŏk dŏng âk ir ndơ si gle, dak nor, lŭ choih, tâm nĕ dak, lĕ n’hanh dôl an tay ăp nău tât dŭt têh n’hanh âk nău kan mô ueh an nar aơ n’hanh ba kơi tay, an geh nău tât kan n’hanh trong kan lam ntur neh. Thủ tướng Chính phủ lah na nê̆ tâm ba năp nơh, Việt Nam way geh nsrôih tât râng n’hanh tâm rgop âk ta nău kan nsum ta ăp gâl kan gay ma tâm kơl lam ntur neh, ngăn lah đah ăp ngih dak geh nsum rnoh dak đah Việt Nam kơt Lào, Campuchia, Trung Quốc n’hanh ăp dak lam ntur neh êng gay ma mât uănh, hun hao, mât n’hanh dŏng nâp nâl săk rnglăy, ndrel geh ueh rnoh dak bâh ăp dak me.

          Nuĭh rblang: Thị Đoắt