Thủ tướng Chính phủ mhe ntrŭnh nau rđau đă tât nau kan n’hao ăp nau dơi gay đăp mpăn nau ƀư săk tam bah năm nti 2024-2025. Gay dơi ƀư săk tam nau kan năm 2024-2025 đah nkô̆: Sŏk kon se nti, sinh viên lah ƀư tơm, nai ntĭm lah nau nsôih, Ngih săm ƀŭt lah ntŭk nkơng, rnăk vâl lah ntŭk dră, ntŭk rêh jêng lah nau tĭng”, Thủ tướng Chính phủ đă N’gâng kan ntĭm nti rgum kơp, rgâl, ntop, ƀư jêh nau kan.

Nau ntrŭnh mbơh ăp gưl n’gâng kan ntrŭnh ndrel ƀư tĭng nau dơi gay ma njêng trong kan pháp lý ân nau n’hao prêh lơn tay nau nâp bah nau kan ntĭm nti, ngăn lah nai ntĭm kon se tâm ăp ntŭk, n’ăp ma ndâk nkra nsum ndrel ndâk nkra êng. N’hao nau ntrŭnh ân săk tam, rjăp dăng lơn nau ntrơn rgâl mrô tâm nau kan mât ngih dak mpeh nau ntĭm nti tâm nkuăl, rđau, mêt uănh ăp nkô̆ nau mât ngih dak mpeh nau ntĭm ndrel nti tâm nau geh dơi, nau kan, đăp mpăn nau đă, săk tam nau dơi./.