VOV4.M’nông- Ôi nar 29/5, nău kan geh kâp dŭt hô tâm năm bâh ƀon lan kan lŏ mir Việt Nam geh ntơm ƀư đah nău tât râng bâh Thủ tướng chính phủ Phạm Minh Chính. Rơh rƀŭn nchră Thủ tướng chính phủ tâm nchră đah ƀon lan kan lŏ mir Việt Nam đah bôk nău “Ntop soan, kơl an ƀon lan kan lŏ mir, ndâk nsơm, hun hao tuch tăm, nkual ƀon lan nâp nâl” yorr Trung ương Hội nông dân Việt Nam, tâm rgop đah n’gor Ủy, UBND n’gor Sơn La leo ƀư.

Ntoh ngơi ta rơh nglôch lôch rƀŭn nchră, Thủ tướng Phạm Minh Chính lah na nê̆ ăp nău, nkô̆ nău tâm nchră, tâm mbơh ta rơh rƀŭn nchră tâm ngơi ntop knơm ta nău ngăn gay ma rdâk njêng trong kan hun hao tuch tăm, nkual ƀon lan nâp nâl, n’hao nău rêh ƀon lan kan lŏ mir. Mpeh ăp nău kan, trong kan na nê̆, Thủ tướng lah mbơh na nê̆ 9 nău, tâm nĕ lah na nê̆: An geh mât njrăng răng dăng n’hanh mbơh ƀư geh săk rnglăy ăp nghị quyết bâh Đảng, n’hao nău kan, nău knơm, nău dơi ƀư tơm bâh nuĭh ƀon lan kan lŏ mir, ngăn lah nău mbơh kan tĭng trong “Nău gĭt vât bâh ƀon lan kan lŏ mir” gay ma ƀư tơm công nghệ tâm nău pah kan jan sa, tăch rgâl n’hanh mbra ƀư sâm geh bâh tuch tăm”.

Nuĭh rblang: Thị Đoắt