Ndơn măt Thủ tướng Groi Thủ tướng Chính phủ Trần Hồng Hà lĕ ký ntrŭnh bah Thủ tướng Chính phủ uănh an đăp rgum trong dak si tâm năm 2021-2030, uănh tât năm 2050

Tâm nĕ geh trong ăp ntŭk dak si gưl nkual, ăp n’gor n’hanh ăp nău kan mpeh tâm nău but uănh kop ji, săm ji, rdâk hao tay săk; uănh năl y khoa, uănh năl pháp y n’hanh uănh năl tâm thần; y tế dự phòng, y tế công cộng; uănh năl, uănh di mpeh dak si, mỹ phẩm, ndơ sông sa, vaccine n’hanh sinh phẩm y tế, ndoh ndơ dak si, nkra njêng dak si, vaccine, sinh phẩm y tế n’hanh ndoh ndơ dak si; nău rnoh nuĭh-săk soan deh nse. Dăp rgum geh nsrôih tât năm 2025 geh 33 nsưng ji rlău 10.000 nuĭh ƀon lan, 15 nai dak si rlău 10.000 nuĭh ƀon lan, 3,4 dược sĩ rlău 10.000 nuĭh ƀon lan n’hanh 25 điều dưỡng rlău 10.000 nuĭh ƀon lan.

Uănh tât năm 2050, jêng du đêt ntŭk dak si mhe tâm ban lam ntŭr neh. Ndâk njêng nău kan công nghiệp dược tâm dak jêng ntŭk nkra njêng dược phẩm khlay âk. Nsrôih geh 45 nsưng ji rlău 10.000 nuĭh ƀon lan, 35 nai dak si rlău 10.000 nuĭh ƀon lan, 4,5 dược sĩ rlău 10.000 nuĭh ƀon lan, 90 điều dưỡng rlău 10.000 nuĭh ƀon lan; rnoh nsưng ji ƀư êng geh 25% dĭng lĕ rnoh nsưng ji.