Nău nchrăp kan geh rnoh hvi rlău 1.250ha, rnôk ƀư lôch mbra ƀư rgâl nău rêh bâh nkuăl ƀon têh Cam Ranh. Nău nchrăp ƀư nkuăl ƀon têh dăch njônh dak lêng Cam Ranh, n’gor Khánh Hòa hvi 1.254ha, rlău 230 rbăn nuĭh, ta 10 xã, phường dăch njônh dak lêng Cam Ranh, nkuăl ƀon têh Cam Ranh.

Nău nchrăp kan geh 8.500 ngih jay tâm dăch, rlău 10 rbăn ngih jay biệt thự têh, bơi tât 20 rbăn ngih jay kơl an nuĭh jêr jŏt. Lĕ rnoh prăk ntuh kơl rlău 85 rbăn rmen prăk, ê hŏ kơp prăk tâm trok ntrơn ntŭk gŭ. Nău ngăch ƀư nău kan nchrăp bâh năm 2023 tât năm 2027. Nkô̆ mpŏng bâh nău nchrăp kan lah rdâk njêng nkual ƀon têh mhe tâm ban, geh nkual ngih gŭ, nău kan ntŭk rêh jêng, ngih nti, dak si, ntŭk tăch ndơ, ntŭk tăch rgâl, ntŭk rlu rlău, tach pâl golf, công viên. Nău nchrăp kan ƀư lôch ntop ndơ̆ rnoh neh ta nkual aơ lăp dŏng geh săk rnglăy, ntrôl an nău wăng sa- rêh jêng ta nkual njônh dak lêng Cam Ranh hun hao ueh.