VOV4.M’nông: Kêng măng lơ 21/3, Thủ tướng Chính phủ Phạm Minh Chính hŏ vơt wa Manuel V.Ferro, Groi Kruanh Ngân hàng lam ntur neh (WB) ƀư nau kan tâm nkuăl Đông Á ndrel Thái Bình Dương. Thủ tướng lah rjăp, Chính phủ Việt Nam mro uănh WB lah băl tâm dăch, dak kan nsum hun hao khlay. Việt Nam mra lŏ kơl tâm nchră nau ân WB ndrel rmôt 6 ngân hàng hun hao gay tâm nchră ăp nau kan ngăn gay ma lŏ ƀư ân ueh nau kan, ndal doh rklaih ăp nau kol, ƀư ueh ăp nau kan đah ăp ding gay ma ntrŭnh tay ăp nau kan gay ma mât đăp măn nau tam, nau ngăch. Thủ tướng rnê prêh ndrel đă WB lŏ kơl an, tâm boh săk tam đah Việt Nam mpeh tơm prăk, nau kan, ntrong ƀư, nŭih, mât tâm nau rdâng rgâl mhe trôk nar, ƀư ueh nau tâm ton bah rơn rƀŭn COP26 tĭng nau ndơn dŏng bah lam ƀon lan, lam ntur neh, tâm ban, tâm di đah ăp dak dôl hun hao./.

Nŭih rblang: H’Thi