Kêng măng 17/4/2023, ta Nhih pah kan Chính phủ, Thủ tướng Chính phủ Phạm Minh Chính hŏ wơt Bộ trưởng Ngoại giao dak Cộng hòa Áo Alexander Schallenberg nkhêp geh hăn khâl ngăn Việt Nam ntơm bah nar 16-18/4/2023. Ta rơh wơt, Thủ tướng Chính phủ Phạm Minh Chính rhơn rnê hăn khâl Việt Nam lor bôk năp bah Bộ trưởng Ngoại giao Alexander Schallenberg; rnê âk lôch jêh geh tâm nchră đah Bộ trưởng Ngoại giao Bùi Thanh Sơn n’hanh rgum nchră tâm boh Việt Nam – Áo đah nău tât râng bah âk doanh nghiệp bar ding tâm ôi 17/4/2023; mpơl nău nsing nơm hăn khâl mbra rgop n’hao tâm boh tâm rnglăp n’hanh tâm boh kan nsum uĕh lăng Việt Nam- Áo nar lơn ma hun hao ta lĕ rngôch ăp trong kan.

Thủ tướng Phạm Minh Chính lah rjăp, Việt Nam way ŭanh khlay n’hanh ŭch rŏng n’hao dăng tâm boh đah dak Cộng hòa Áo, du dak lăp kan nsum khlay bah Liên minh Châu Âu (EU). Thủ tướng lah rjăp bar ding ân ƀư du đêt trong ntrŭt ntrôl tâm boh bar ding ta lĕ rngôch trong kan bar ding săk geh n’hanh nău ŭch geh khoa học – công nghệ, ntŭk ntô ndơ dŏng, nuĭh kan, ntĭm nti nău kan, rgâl mbrô, wăng sa wăch geh tay, rgâl nđĭr uĕh...