VOV4.M’nông – Kêng măng 30/9, ta Hà Nội, Thủ tướng Cộng hòa Cuba Manuel Marrero Cruz wơt đêp rmên Rmôt kan dăch dêh Việt Nam-Cuba n’hanh Liên hiệp ăp rmôt kan dăch dêh Việt Nam di rơh khâl dăch dêh na nê̆ Việt Nam. Tĭng nĕ, tâm lĕ rngôch ăp nar mâp, kruanh 2 dak, đah nău rŏng ngăn, nsing knơm, n’hao lĕ nău kan đah nău tâm rnglăp đah 2 rnoi nuĭh, tâm ton ntrôl dăng lơn tay tâm boh kan ndrel.

Kruanh Rmôt kan dăch dêh Việt Nam-Cuba Vũ Hải Hà an ndơ

Thủ tướng Manuel Marrero Cruz an gĭt, bôl dôl rdâng đah âk ntŭl rlong kơt mô an tăch n’gluh hô, khuch bah srê Covid-19, yơn Cuba hôm e nsrôih rdâk hao n’hanh hun hao wăng sa. Ntoh ngơi ta nar mâp, Chủ nhiệm Ủy ban Đối ngoại bah Quốc hội, Kruanh Rmôt kan tăch dêh Việt Nam-Cuba, Kruanh Rmôt Nghị sỹ hữu nghị Việt Nam-Cuba Vũ Hải Hà nsing knơm, đah nău rđău bah Đảng Cộng sản Cuba, nuĭh ƀon lan Cuba oh nô mbra ƀư lôch uĕh nău kan wăng sa-xã hội chủ nghĩa n’hanh nău rƀŏng ndâk njêng neh dak ƀư tơm, đăp mpăn, xã hội chủ, ƀon lan ƀư tơm, uĕh lăng n’hanh nâp nâl.

VOV.VN/ Nuĭh rblang: Y Sưng Phê Ja