VOV4.M'nông: Tâm rnôk hăn khâl ngăn dak he, ôi 30/9 ta Hà Nội, Thủ tướng Cuba Manuel Marrero Cruz n'hanh Groi Thủ tướng Lê Minh Khái hŏ tât râng n'hanh ndrel ƀư tơm tâm nchră ntrŭt ntrôl ngăch tăch rgâl Việt Nam-Cuba. Ta rơh rgum nchră, Thủ tướng Manuel Marrero Cruz lah rjăp: Cuba dôl tâm rnôk rgâl dăng gay rƀŏng tât jâng wăng sa dâk hao tay n'hanh hun hao, nsing ta nău tâm boh tâm rnglăp way ơm uĕh lăng đah bar dak.

Chính phủ Cuba mbra rong an lor, nta ăp trong dơh gay doanh nghiệp Việt Nam ntoh âk lơn ta Cuba. Ta rơh rgum nchră, âk mpưm  doanh nghiệp 2 dak hŏ djăt Bộ trưởng Bộ Ngoại thương n'hanh ntuh kơl dak bah dih Cuba Rodrigo Malmierca Dias nkoch mpeh trong nchrăp tâm trong kan an rong lor ntuh kơl dak bah dih ta Cuba n'hanh Tổng giám đốc Văn phòng Đặc khu Hun hao Mariel AnaTeresa Igarza Martinez nkoch mpeh trong kơl an wăch rgum ntuh kơl dak bah dih ta nkual Đặc khu Mariel n'hanh trong dơh uĕh an tăch rgâl đah 2 dak./.

VOV.VN

Nuĭh rblang: Điểu Thân